மிட்டாய்களை நீட்டிக்கொண்டிருக்கிறாள்
யார் கேட்டார்கள் இதை?!
அவளுக்கு பிறந்தநாளாம்!
முகத்தை திருப்பிக்கொள்கிறேன்
மீண்டும் நீட்டுகிறாள்
என்ன செய்வது?
எடுப்பதா? மறுப்பதா?
ஆடைகளை சரிசெய்தபடி
அரைக்கண்ணால் பார்க்கிறாள்
கள்ளச்சிரிப்பு வேறு கன்னங்களில்
அம்மா அருகிலிருக்க
எப்படி அவளை முறைப்பது?
மிட்டாய்களை வெறுப்பது?
அழகாய் இருக்கிறதா ஆடை?
எப்படி கேட்கிறாள்?!
மௌனமாய் தலையசைக்கிறேன்
நிமிடங்கள் கரையும் வேளையில்
அம்மா சற்றே நகர..
சின்ன சிரிப்போடு
அவள் வாயிலிருந்த மிட்டாயை
என் வாயில் திணித்துவிட்டு
ஓடியே போய்விட்டாள்
திருட்டுக்குட்டி!
திகைத்து நிற்கிறேன்
வாழ்த்த மறந்தே போனேன்!
என்றாலும்..
அவளுக்கு புரிந்து இருக்கும்
என் அன்பு வாழ்த்துக்கள்!
காதலுடன் கரைகிறது
அவள் கொடுத்த மிட்டாய்! ©
0 கருத்துரைகள்:
Post a Comment